Aðalfundur Rithöfundasambands Íslands var haldinn í Gunnarshúsi þann 11. maí 2023.
Á fundinum var Margrét Tryggvadóttir kjörin formaður RSÍ og Ragnar Jónasson kjörinn varaformaður. Sindri Freysson var endurkjörinn meðstjórnandi og Sverrir Norland er nýr meðstjórnandi. Kamilla Einarsdóttir var kjörin varamaður. Auk þeirra sitja áfram í stjórn Jón Gnarr meðstjórnandi og Sigríður Hagalín Björnsdóttir varamaður. Karl Ágúst Úlfsson lét af störfum sem formaður eftir fimm ára setu og voru honum þökkuð vel unnin störf.
