Rithöfundasamband Íslands

The Writers' Union of Iceland

Funda- og samkomusalur

Í stofum Gunnarshúss er góð aðstaða til funda og samkunda. Húsnæðið er á tveimur hæðum, á neðri hæð eru tvær opnar og bjartar stofur, forstofa, salerni og eldhús en á efri hæð hússins er opin stofa, tvennar svalir og salerni. Úr eldhúsi og stofu er gengið út í gróinn og fallegan garð með hellulagðri stétt. Húsið er lánað eða leigt út fyrir bókmenntatengda viðburði og félagsstarf sbr. höfundakvöld, útgáfuhóf, námsskeið og fundi ýmissa samtaka og hópa. Enn fremur geta félagsmenn í RSÍ leigt húsið fyrir hófsöm einkasamkvæmi á borð við stórafmæli, skírnarveislur og önnur boð í samráði við skrifstofu RSÍ. Ekki er gert ráð fyrir partíum enda er húsið verndað og ýmsir innanstokksmunir viðkvæmir og ekki þykir boðlegt að trufla gesti í kjallara eftir miðnætti með skarkala. Húsnæðið hentar fyrir allt að 80 gesti og glös og borðbúnaður er á staðnum. Neðst á síðunni má sjá dagatal með yfirliti yfir bókanir.

Verðskrá:

  • 20.000 kr. – einkaveislur félagsmanna
  • 30.000 kr. – námsskeið (miðað við 6 kvöld)
  • Gjaldfrjálst fyrir skuldlausa félagsmenn: opin útgáfuhóf og höfundakvöld, stakir fundir félagsmanna og fundir bókmenntatengdra samtaka.

Dagatal