Bókmenntadagskrár fyrir grunnskóla
Þrjár glænýjar og spennandi dagskrár fyrir forvitna nemendur!
Bókmenntadagskrár Höfundamiðstöðvar RSÍ, Skáld í skólum, hafa verið fastur liður í hauststarfi grunnskólanna í tæpa tvo áratugi. Dagskrárnar eru metnaðarfullar og fræðandi. Höfundar koma í heimsókn til að tala um bækur og lestur, sköpun og skrif, ævintýri sögupersóna jafnt sem skapara þeirra og síðast en ekki síst til að smita nemendur af lestrar- og sköpunargleði.
Í ár munu sex höfundar fara í ævintýraleiðangur með nemendum og kennurum um veröld bókmenntanna. Dagskrárnar fjalla um allt sem hægt er að skrifa um; fólk og furður, ókönnuð lönd, grúsk og grufl!
Þetta vinsæla verkefni hefur fyrir löngu sannað sig sem hvetjandi viðbót við ómetanlegt starf kennara og starfsfólks grunnskólanna í landinu.
Tímabil: 15. október – 16. nóvember 2026
Að auki er hægt að panta dagskrár á öðrum tímum að höfðu samkomulagi við höfundana.
Frestur til að panta dagskrár er til föstudagsins 9. október. Athugið að mikilvægt er að panta sem fyrst þar sem dagskrár geta verið fullbókaðar á tímabilinu.
Allar upplýsingar og pantanir:
- í síma 568-3190
- á netfangið salka@rsi.is
Dagskrá haustsins
Yfirlit yfir eldri dagskrár:
