Höfundamiðstöð Rithöfundasambands Íslands
Höfundamiðstöð Rithöfundasambandsins hefur verið starfrækt frá árinu 1974. Höfundamiðstöðin veitir upplýsingar um rithöfunda, stuðlar að bókmenntakynningum, hefur milligöngu um upplestra og aðstoðar við mótun dagskrár.
Höfundamiðstöðin hefur á sínum vegum margs konar höfunda, ljóðskáld, leikskáld, skáldsagnahöfunda, barna- og unglingabókahöfunda, höfunda fræðirita og þýðendur.
Höfundamiðstöðin veitir upplýsingar um höfunda og dagskrár, svarar fyrirspurnum, tekur við pöntunum, semur um greiðslu og sér um innheimtu sé þess óskað.
