Rithöfundasamband Íslands

The Writers' Union of Iceland


Sérstök úthlutun Miðstöðvar íslenskra bókmennta, umsóknarfrestur til 11. maí

Mennta- og menningarmálaráðuneytið hefur veitt Miðstöð íslenskra bókmennta 38 milljóna viðbótarfé, samkvæmt þingsályktun um sérstakt tímabundið fjárfestingarátak stjórnvalda til að vinna gegn samdrætti í hagkerfinu í kjölfar heimsfaraldurs kórónuveiru.

Veittir verða styrkir sem styðja við fjölbreytta starfsemi á sviði lista og menningar með áherslu á sköpun og virka þátttöku listamanna í menningarlífi landsmanna.

Umsóknareyðublöð eru hér.

Umsóknarfrestur er til 11. maí 2020.

Skilyrði fyrir styrkveitingu

• Verkefnið hefjist eigi síðar en 1. september 2020 og verði lokið fyrir 1. apríl 2021.

• Verkefnið uppfylli grunnmarkmið fjárfestingarátaksins um að styðja við eftirspurn og atvinnu til skamms tíma með arðbærum verkefnum.

• Sýnt sé fram á gildi verkefnis og mikilvægi þess fyrir landsmenn.

• Styrkveiting sé til undirbúnings, þróunar og framkvæmdar verkefnis.

• Ítarlegar upplýsingar liggi fyrir um verkefnið, auk kostnaðar- og tímaáætlunar þess.

• Ekki verða veittir styrkir til stofnana sem eru á fjárlögum ríkisins.

Mat á umsóknum og styrkir verða veittir á sama grundvelli og aðrir styrkir Miðstöðvar íslenskra bókmennta.

Úthlutað verður fyrir 1. júní nk.

Upplýsingar á heimasíðu MÍB.


Laun í sóttkví og vegna tekjuskerðingar, tilkynning frá Skattinum

Vinsamlegast athugið að þeir höfundar sem hafa orðið að sæta sóttkví geta sótt um laun í sóttkví hjá Vinnumálastofnun og eins geta þeir höfundar sem hafa orðið fyrir tekjuskerðingu frá 15. mars sótt um atvinnuleysisbætur vegna minnkaðs starfshlutfalls.

Tilkynning frá skattinum:

Samþykkt hefur verið á Alþingi að greiða sjálfstætt starfandi einstaklingum launatap vegna þess að viðkomandi hafi orðið að sæta sóttkví. Umsóknum um laun í sóttkví skal beint til Vinnumálastofnunar.

Einnig er hægt að sækja um til Vinnumálastofnunar atvinnuleysisbætur vegna minnkaðs starfshlutfalls sjálfstætt starfandi manna. Heimildin er til staðar frá 15. mars til 1. júní 2020. Ekki þarf að stöðva reksturinn til þess að eiga rétt á umræddum bótum heldur þarf að tilkynna Skattinum um skerta starfsemi. Rekstraraðilar eru því enn skráðir bæði á launagreiðendaskrá og virðisaukaskattsskrá ef eingöngu er um að ræða tímabundnar breytingar.

Notast er við eyðublað RSK 5.02 til að tilkynna um slíkar breytingar. Eyðublaðið má senda, undirritað, í tölvupósti á rsk@rsk.is.

Nánar má lesa um þetta á upplýsingavef Skattsins.

Vefur Vinnumálastofnunar.


Ferðastyrkir – opið fyrir umsóknir

Rithöfundasamband Íslands veitir félagsmönnum ferðastyrki til utanlandsferða úr Höfundasjóði RSÍ. Rétt til að sækja um ferðastyrk hafa þeir sem hafa verið félagsmenn í RSÍ í a.m.k. eitt ár og eru skuldlausir við sambandið.  Úthlutað er eftir úthlutunarreglum og sótt er um á rafrænu eyðublaði á heimasíðu RSÍ.

Opið er fyrir umsóknir og umsóknarfrestur er t.o.m. 1. apríl 2020.


Úthlutun starfslauna til rithöfunda 2020

Launasjóður rithöfunda – 555 mánuðir

12 mánuðir
Andri Snær Magnason

Auður Jónsdóttir

Bergsveinn Birgisson

Eiríkur Örn Norðdahl

Gerður Kristný Guðjónsdóttir

Guðrún Eva Mínervudóttir

Hallgrímur Helgason

Kristín Eiríksdóttir

Kristín Ómarsdóttir

Ófeigur Sigurðsson

Sjón – Sigurjón B Sigurðsson

Steinunn Sigurðardóttir

9 mánuðir
Auður Ólafsdóttir

Bragi Ólafsson

Einar Kárason

Einar Már Guðmundsson

Gyrðir Elíasson

Hildur Knútsdóttir

Jón Kalman Stefánsson

Linda Vilhjálmsdóttir

Oddný Eir Ævarsdóttir

Ragnheiður (Ragna) Sigurðardóttir

Sigurbjörg Þrastardóttir

Steinar Bragi Guðmundsson

Vilborg Davíðsdóttir

Þórdís Gísladóttir

Þórunn Jarla Valdimarsdóttir

6 mánuðir
Alexander Dan Vilhjálmsson

Arngunnur Árnadóttir

Bergrún Íris Sævarsdóttir

Bergþóra Snæbjörnsdóttir

Bjarni M. Bjarnason

Dagur Hjartarson

Eiríkur Ómar Guðmundsson

Elísabet Kristín Jökulsdóttir

Emil Hjörvar Petersen

Fríða Ísberg

Friðgeir Einarsson

Gunnar Eggertsson

Gunnar Helgason

Halldór Armand Ásgeirsson

Halldór Halldórsson

Hermann Stefánsson

Huldar Breiðfjörð

Jónína Leósdóttir

Kári Torfason Tulinius

Kristín Helga Gunnarsdóttir

Kristín Steinsdóttir

Mazen Maarouf

Ólafur Gunnarsson

Pétur Gunnarsson

Ragnar Helgi Ólafsson

Ragnheiður Eyjólfsdóttir

Sigríður Hagalín Björnsdóttir

Sigrún Eldjárn

Sigrún Pálsdóttir

Sigurlín Bjarney Gísladóttir

Steinunn Guðríður Helgadóttir

Sölvi Björn Sigurðsson

Tyrfingur Tyrfingsson

Yrsa Þöll Gylfadóttir
Þórarinn Eldjárn

Þórdís Helgadóttir

Ævar Þór Benediktsson

3 mánuðir
Anton Helgi Jónsson

Ásdís Ingólfsdóttir

Áslaug Jónsdóttir

Björn Halldórsson

Eva Rún Snorradóttir

Haukur Már Helgason

Ísak Harðarson

Jónas Reynir Gunnarsson

Kristín Ragna Gunnarsdóttir

Magnús Sigurðsson

Margrét Vilborg Tryggvadóttir

Pedro Gunnlaugur Garcia

Sif Sigmarsdóttir

Sindri Freysson

Snæbjörn Brynjarsson

Soffía Bjarnadóttir

Sverrir Norland

Þóra Karítas Árnadóttir


Úthlutanir úr Ljósvakasjóði – skráning og umsóknir vegna 2018

Í samræmi við reglur um ráðstöfun greiðslna frá Innheimtumiðstöð rétthafa – IHM auglýsir Rithöfundasamband Íslands hér með eftir umsóknum um fjárframlög úr Ljósvakasjóði. Rétt til úthlutunar eiga handritshöfundar, leikskáld, rithöfundar, þýðendur og aðrir höfundar og þýðendur leikins efnis og annarra skáldverka, sem flutt (frumflutningur og endurflutningur) hafa verið í hljóð- eða sjónvarpi árið 2018. (Úthlutun vegna 2019 verður auglýst síðar.)

Um úthlutun geta sótt allir þeir sem telja sig eiga rétt, án tillits til félagsaðildar. Höfundum handrita fræðslu- og heimildamynda er bent á að sækja um til Hagþenkis – félags höfunda fræðirita og kennslu­gagna.

Reglur um Ljósvakasjóð

Um tvenns konar umsóknir er að ræða:

  1. Umsókn um úthlutun skv. réttindum. Skráning í Ljósvakasjóð. Leitað er eftir skráningarupplýsingum rétthafa sem telja sig eiga rétt til úthlutunar skv. 2. gr. Skráningarupplýsingum skal skilað á þar til gerðu umsóknareyðublaði. Það þurfa höfundar einungis að fylla út einu sinni og eru eftir það skráðir í sjóðinn og fá úthlutað árlega eftir réttindum.
  2. Rétthafagreiðslur skv. sérstökum umsóknum. Úthlutun skv. 5. gr. B. Um slíka úthlutun geta sótt rétthafar að styttri verkum, brotum úr verkum, stökum ljóðum, sem og frumhöfundar skáldverka sem leikgerðir, þættir eða kvikmyndir hafa verið gerðar eftir. Þýðendur skjátexta sæki um skv. 5. gr. B. Í umsóknum um greiðslur skv. þessum lið skal rökstyðja og gera grein fyrir notkun á einstökum verkum á umsóknartímabili. Úthlutað er á grundvelli mats úthlutunarnefndar. Umsóknareyðublað.

Með frumskráningu/umsókn fylgi yfirlit um birt verk umsækjanda í hljóð- eða sjónvarpi . Taka skal fram lengd flutnings í mínútum og hlutfall ef höfundar eru fleiri en einn. Sótt er um á rafrænum eyðublöðum á heimasíðu Rithöfundasambandsins:

Umsókn og skráning í Ljósvakasjóð

Umsókn um úthlutun skv. 5. gr. B.

Ítrekað skal að þeir sem þegar eru skráðir hjá sjóðnum þurfa ekki að skrá sig aftur en munu fá yfirlit yfir flutt efni 2018 til staðfestingar áður en úthlutað er.

Skráningar og umsóknir skulu berast fyrir 30. janúar 2020. Ekki er tekið við umsóknum eftir þann tíma.


Nýskráningar vegna greiðslna vegna útlána á bókasöfnum

Af árlegri fjárveitingu Alþingis fyrir afnot á bókasöfnum er úthlutað til rithöfunda, þýðenda, myndhöfunda og annarra rétthafa, samkvæmt útlánum og afnotum verka þeirra á bókasöfnum. Um úthlutun gilda lög nr. 91/2007 með síðari breytingum og reglur nr. 323/2008.

Til að öðlast rétt til úthlutunar úr sjóðnum þurfa höfundar og rétthafar að sækja um á sérstökum eyðublöðum sem finna má á heimasíðu, https://rsi.is/bokasafnagreidslur/umsoknareydublad/

Umsóknarfrestur er til 31. janúar

Vakin er athygli á að þeir sem nú þegar hafa skilað skráningu þurfa EKKI að skrá sig aftur. Ný verk eru sjálfkrafa færð á skrá höfundar.


Ferðastyrkir – opið fyrir umsóknir

Rithöfundasamband Íslands veitir félagsmönnum ferðastyrki til utanlandsferða úr Höfundasjóði RSÍ. Rétt til að sækja um ferðastyrk hafa þeir sem hafa verið félagsmenn í RSÍ í a.m.k. eitt ár og eru skuldlausir við sambandið.  Úthlutað er eftir úthlutunarreglum og sótt er um á rafrænu eyðublaði á heimasíðu RSÍ.

Opið er fyrir umsóknir og umsóknarfrestur er t.o.m. 7. október 2019.


Listamannalaun 2020 – umsóknarfrestur til 1. október

Auglýst eru til umsóknar starfslaun listamanna sem úthlutað verður árið 2020 í samræmi við ákvæði laga nr. 57/2009.

Umsóknarfrestur rennur út 1. október.

Úthlutað verður úr eftirfarandi sjóðum:
launasjóður hönnuða
launasjóður myndlistarmanna
launasjóður rithöfunda
launasjóður sviðslistafólks
launasjóður tónlistarflytjenda
launasjóður tónskálda

Allar umsóknir eru nú einstaklingsumsóknir. Í vinnuáætlun er hægt að tilgreina samstarf sérstaklega.

Nota þarf rafræn skilríki við umsóknina. Eingöngu verður tekið við rafrænum fylgigögnum.

Hafi umsækjandi hlotið starfslaun áður, verður umsókn aðeins tekin til umfjöllunar ef loka- eða framvinduskýrslu vegna síðustu úthlutunar hefur verið skilað til stjórnar listamannalauna, sbr. ákvæði 4. gr. laga um listamannalaun nr. 57/2009.

Vakin er athygli á að atvinnuleikhópar sækja til leiklistarráðs (styrkir til atvinnuleikhópa); umsóknin getur einnig gilt til listamannalauna sé merkt við þar til gerðan reit í umsóknarformi.

Umsóknareyðublað og eyðublað fyrir framvinduskýrslu ásamt lögum og reglugerðum um sjóðinn og stefnu stjórnar, má finna á vefslóðinni http://www.listamannalaun.is.

Nánari upplýsingar veita Ragnhildur Zoëga og Guðmundur Magnússon á skrifstofu Rannís, listamannalaun@rannis.is.

Stjórn listamannalauna, ágúst 2019