Rithöfundasamband Íslands

The Writers' Union of Iceland


Arnar Már Arngrímsson hlýtur Barna- og unglingabókmenntaverðlaun Norðurlandaráðs 2016

arnar-mar

Arnar Már Arngrímsson tók við barna- og unglingabókmenntaverðlaunum Norðurlandaráðs 2016 fyrir bókina Sölvasaga unglings á verðlaunaafhendingu Norðurlandaráðs í Kaupmannahöfn 1. nóvember.

Rithöfundasamband Íslands óskar Arnari Má innilega til hamingju með verðlaunin!

Rökstuðningur dómnefndar

Verðlaunabókin fjallar um nútímaungling og viðfangsefnin sem hann þarf að glíma við. En þó vandamálin séu kunnugleg er unglingurinn það ekki. Höfundi tekst í þessari fyrstu bók sinni að búa til persónu sem er áhugaverð, fyndin, óþolandi, leitandi og heillandi. Tungutak sögunnar er lífleg blanda af unglingamáli og ritmáli eldri kynslóðarinnar og þar rekast á menningarheimar. Lesendur fylgja unglingnum gegnum tilvistarkreppur hans sem sýna hve stormasöm unglingsárin eru og erfitt að stýra gegnum þau án skipbrots.

Því nær höfundurinn, Arnar Már Arngrímsson, að miðla af einlægni og trúnaði sínum við ungt fólk í Sölvasögu unglings.

Arnar Már Arngrímsson (f. 1972) er íslenskukennari við Menntaskólann á Akureyri.


Tilnefnd til Barna- og unglingabókmenntaverðlauna Norðurlandaráðs 2016

Barnabókmenntaverðlaun Norðurlandaráðs

Tilnefningar til Barna- og unglingabókmenntaverðlauna Norðurlandaráðs 2016

Þrettán verk eru tilnefnd til Barna- og unglingabókmenntaverðlauna Norðurlandaráðs 2016. Arnar Már Arngrímsson og Ragnhildur Hólmgeirsdóttir eru tilnefnd fyrir hönd Íslands, Arnar Már fyrir skáldsöguna Sölvasaga unglings (2015) og Ragnhildur fyrir skáldsöguna Koparborgin (2015). Tilkynnt verður um verðlaunahafa þann 1. nóvember næstkomandi í tónleikahúsi DR í Kaupmannahöfn. Verðlaunafé er 350 þúsund d.kr. Barna- og unglingabókmenntaverðlaun Norðurlandaráðs hafa verið veitt frá árinu 2013. Á vef Norðurlandaráðs má sjá lista yfir önnur tilnefnd verk 2016.