Rithöfundasamband Íslands

The Writers' Union of Iceland


Tilnefningar til Bókmenntaverðlauna Norðurlandaráðs

Fríða Ísberg og Bergsveinn Birgisson
Myndir: Gassi/Helge Skodvin

13 norrænar skáldsögur, smásagnasöfn og ljóðabækur eru tilnefndar til bókmenntaverðlauna Norðurlandaráðs 2020, þ.á m. Kláði eftir Fríðu Ísberg og Lifandilífslækur eftir Bergsvein Birgisson. Rithöfundasamband Íslands óskar tilnefndum höfundum til hamingju með tilnefningarnar! Tilkynnt verður um verðlaunahafann á verðlaunahátíð Norðurlandaráðs í Reykjavík í október og keppa eftirtalin fagurbókmenntaverk um hnossið.

Danmörk

YAHYA HASSAN 2. Höfundur Yahya Hassan. Ljóðabók, Gyldendal, 2019.HHV, FRSHWN – Dødsknaldet i Amazonas. Höfundur Hanne Højgaard Viemose. Skáldsa…

Finnland

Vem dödade bambi? Höfundur Monika Fagerholm. Skáldsaga, Förlaget M, 2019.Ihmettä kaikki. Höfundur Juha Itkonen. Skáldsaga, Otava, 2018.

Færeyjar

Ikki fyrr enn tá. Höfundur Oddfríður Marni Rasmussen. Skáldsaga, Sprotin, 2019.

Ísland

Lifandilífslækur. Höfundur Bergsveinn Birgisson. Skáldsaga, Bjartur, 2018.Kláði. Höfundur Fríða Ísberg. Smásagnasafn, Partus forlag, 2018.

Noregur

Den gode vennen. Höfundur Bjørn Esben Almaas. Skáldsaga, Oktober forlag, 2019.Vi er fem. Höfundur Matias Faldbakken. Skáldsaga, Oktober forlag, 2019.

Samíska tungumálasvæðið

Juolgevuođđu. Höfundur Niillas Holmberg. Ljóðabók, DAT, 2018.

Svíþjóð

Marginalia/Xterminalia. Höfundur Johan Jönson. Skáldsaga, Albert Bonniers förla…W. Höfundur Steve Sem-Sandberg. Skáldsaga, Albert Bonniers förlag, 2019.

Álandseyjar

När vändkrets läggs mot vändkrets. Höfundur Mikaela Nyman. Ljóðabók, Ellips för…

Tilkynnt um verðlaunahafann 27. október

Handhafi bókmenntaverðlauna Norðurlandaráðs 2020 verður kynntur á verðlaunahátíð í Reykjavík þann 27. október í tengslum við þing Norðurlandaráðs. Verðlaunahafinn hlýtur verðlaunagripinn Norðurljós og 350 þúsund danskar krónur.


Höfundakvöld í Gunnarshúsi – Margrét Lóa Jónsdóttir, Gunnhildur Þórðardóttir, Fríða Ísberg og Eydís Blöndal

Slide1

Höfundarnir Margrét Lóa Jónsdóttir, Gunnhildur Þórðardóttir, Fríða Ísberg og Eydís Blöndal munu halda ljóðakvöld í Gunnarshúsi næstkomandi þriðjudag 12. desember kl. 20 undir yfirskriftinni Fljóðaljóð. Allar hafa þær nýlega gefið út ljóðabækur; Margrét með Biðröðina framundan, Gunnhildur með Götuljóð, Fríða með Slitförina og Eydís með bókina Án tillits. Kynnir verður Kári Tulinius en hann er einn af stofnendum Meðgönguljóða og gaf út nýlega skáldsöguna Móðurhugur.

Þær munu leiða saman raddir sínar og bjóða upp á fróðlega og skemmtilega kvöldstund með tilfinningaþrungnum ljóðaupplestri og tilheyrandi spjalli. Boðið verður upp á kaffi og konfekt. Allir velkomnir. Gunnarshús er að Dyngjuvegi 8 í Reykjavík.


Nýræktarstyrkir Miðstöðvar íslenskra bókmennta 2017

Nýræktarstyrkir Miðstöðvar íslenskra bókmennta voru afhentir í Gunnarshúsi í dag en Nýræktarstyrkina í ár hljóta Fríða Ísberg fyrir Slitförina, safn ljóða, og Pedro Gunnlaugur Garcia fyrir skáldsöguna Ráðstefna talandi dýra. Hvor styrkur nemur 400.000 kr. Kristján Þór Júlíusson, mennta- og menningarmálaráðherra afhenti styrkina við athöfn í Gunnarshúsi, húsi Rithöfundasambandsins og óskaði við það tækifæri nýjum höfundum alls góðs í ritstörfunum. Þetta er í tíunda skipti sem Nýræktarstyrkjum er úthlutað, en alls hafa hátt í fimmtíu höfundar hlotið þessa viðurkenningu frá upphafi.

Pedro Gunnlaugur Garcia, Kristján Þór Júlíusson og Fríða Ísberg

Pedro Gunnlaugur Garcia, Kristján Þór Júlíusson og Fríða Ísberg

Í umsögn bókmenntaráðgjafa um verkin segir:

„Slitförin er safn ljóða sem fjalla á ágengan hátt um togstreituna við að brjótast undan áhrifavöldum bernskunnar og finna leiðina að eigin sjálfi. Leiðarstef verksins er sársaukinn sem sprettur úr nístandi sorg milli barns og foreldris. Ljóðin taka pláss, sýna afstöðu og grípa lesendur föstum tökum.”

„Skáldsagan Ráðstefna talandi dýra er ekkert venjulegt byrjendaverk heldur viðamikil og þroskuð skáldsaga sem fléttar saman ólíka menningarheima á tvennum tímum, líf fólks, drauma og örlög. Frjótt ímyndunarafl í sterklega byggðri frásögn, á lifandi og skemmtilega stílaðri íslensku, mynda einstaka heild í heillandi skáldsögu.”

Lesa meira