Rithöfundasamband Íslands

The Writers' Union of Iceland


Aðalfundur 26. apríl

Aðalfundur RSÍ verður haldinn 26. apríl 2018. Framboðsfrestur vegna stjórnarkjörs er til 22. mars nk. Kjósa þarf formann, varaformann, einn meðstjórnanda og einn varamann, skv. 5. grein laga Rithöfundasambands Íslands. Skrifleg framboð til stjórnarkjörs berist skrifstofu RSÍ eigi síðar en kl. 14.00 fimmtudaginn 22. mars n.k.


Boðað til aukaaðalfundar

Aukaaðalfundur RSÍ verður haldinn 15. september 2016. Fundurinn er m.a. boðaður þar sem ekki er fullmannað í stjórn RSÍ eftir kjör. Það kemur til vegna þess að sitjandi meðstjórnandi, Vilborg Davíðsdóttir, var kjörinn varaformaður og sitjandi meðstjórnandi, Andri Snær Magnason, sagði sig úr stjórn. Fyrir vikið eru laus tvö sæti meðstjórnenda. Þar sem þetta var fyrirséð var viðbót við 5. grein laga sambandsins samþykkt á aðalfundi í apríl 2016. Hún hljóðar svo:

„Ef stjórn RSÍ eða varastjórn er ekki fullmönnuð er stjórn heimilt að boða til aukaaðalfundar í því skyni að bæta þar úr. Um framkvæmd slíks aukaaðalfundar gilda að öðru leyti sömu reglur og um aðalfund, m.a. hvað varðar boðun, kjörgengi, kjör o.s.frv.“

Framboðsfrestur vegna stjórnarkjörs er til 11. ágúst. Kjósa þarf tvo meðstjórnendur sem sitji fram að aðalfundi 2017. Skrifleg framboð til stjórnarkjörs berist skrifstofu RSÍ eigi síðar en kl. 14.00 fimmtudaginn 11. ágúst n.k.


Aðalfundur í kvöld!

Aðalfundur RSÍ 2016 verður haldinn í Gunnarshúsi í kvöld, fimmtudaginn 28. apríl, kl. 19.30.

Dagskrá:

  1. Skýrsla formanns
  2. Skýrsla gjaldkera
  3. Lýsing stjórnarkjörs
  4. Lagabreytingar
  5. Kosning í inntökunefnd
  6. Kosning félagslegra endurskoðenda
  7. Tillaga stjórnar um árgjald 2017
  8. Endurskoðun reglna um Fjölíssjóð RSÍ
  9. Önnur mál

Mætum öll!


Aðalfundur RSÍ á fimmtudaginn

 

Aðalfundur RSÍ 2016 verður haldinn í Gunnarshúsi fimmtudaginn 28. apríl kl. 19.30.

Dagskrá:

  1. Skýrsla formanns
  2. Skýrsla gjaldkera
  3. Lýsing stjórnarkjörs
  4. Lagabreytingar
  5. Kosning í inntökunefnd
  6. Kosning félagslegra endurskoðenda
  7. Tillaga stjórnar um árgjald 2017
  8. Endurskoðun reglna um Fjölíssjóð RSÍ
  9. Önnur mál

Mætum öll!

 


Aðalfundur Bandalags íslenskra listamanna

Aðalfundur BÍL verður haldinn laugardaginn 13. febrúar nk. í Iðnó og hefst kl. 13:00.  Málþingið sem síðustu ár hefur verið haldið í tengslum við aðalfundinn hefur verið frestað fram í mars og verður boðað til þess sérstaklega.

Dagskrá aðalfundarins verður sem hér segir:

  1. Kosning fundarstjóra og fundarritara. Lögmæti fundarins kannað og staðfest.
  2. Fundargerð síðasta aðalfundar
  3. Skýrsla forseta um starf BÍL 2015
  4. Ársreikningar 2015
  5. Kosning forseta
  6. Kosning tveggja skoðunarmanna reikninga
  7. Starfsáætlun 2016
  8. Önnur mál
  9. Erindi um höfundarrétt

Í lok fundarins er gert ráð fyrir að fundarmenn fái kynningu á lagafrumvörpum þeim sem liggja fyrir Alþingi um þessar mundir og fjalla um höfundarrétt. Ekki liggja neinar tillögur að lagabreytingum fyrir fundinum.

Allir félagsmenn RSÍ eiga rétt til setu á fundinum með málfrelsi og tillögurétt.

Sjá nánar á heimasíðu BÍL.