Þórunn Hafstað hefur verið ráðin verkefnastjóri hjá Rithöfundasambandi Íslands. Hún tekur við af Tinnu Ásgeirsdóttur sem sinnt hefur starfinu síðastliðin sjö ár.
Þórunn er menntuð í sjónrænni mannfræði og kvikmyndagerð og starfaði nú síðast sem verkefnastjóri stafrænnar miðlunar hjá Háskóla Íslands. Hún er einnig stundakennari í Hagnýtri menningarmiðlun við sama skóla. Þórunn starfaði lengi sjálfstætt við ýmis verkefni tengdum heimildamyndagerð en hefur einnig reynslu af ritstjórn, útgáfu, rannsóknum og réttindamálum á vinnumarkaði en hún starfaði áður hjá Eflingu stéttafélagi.
Rithöfundasambandið býður Þórunni velkomna til starfa um leið og Tinnu Ásgeirsdóttur eru þökkuð vel unnin störf á liðnum árum og henni óskað velfarnaðar í framtíðinni.
