Inga M. Beck hlýtur Íslensku barnabókaverðlaunin 2016 fyrir bókina Skóladraugurinn (2016).
Skóladraugurinn er fyrsta bók Ingu. Sagan segir frá fyrsta degi Gunnvarar í nýjum skóla þar sem hún heyrir söguna um skóladrauginn, sögu sem allir nemendur í skólanum hafa heyrt en enginn tekur mark á. En Gunnvör sperrir eyrun. Það kemur sér nefnilega vel fyrir hana ef draugar eru til í alvörunni.
Í umsögn dómnefndar segir að bókin sé í senn spennandi draugasaga og trúverðug lýsing á barni sem misst hafi ástvin.
Íslensku barnabókaverðlaunin eru handritasamkeppni og eru veitt í þrítugasta sinn.
