Gröndalshús í Grjótaþorpi er fyrrum heimili Benedikts Gröndals (1826-1907), rithöfundar, teiknara og fræðimanns. Í húsinu er sýning helguð Gröndal, vinnurými fyrir lista- og fræðimenn og gestaíbúð. Íbúðin er leigð erlendum rithöfundum, fræðimönnum og þýðendum íslenskra bókmennta sem vilja vinna að list sinni í Reykjavík. Gröndalshús stendur á horni Fischersunds og Mjóstrætis. Leiga er 13.000 kr. á nótt (1.000 kr. aukagjald á nótt fyrir aukagest) og þrifagjald fyrir hverja dvöl er 20.000 kr.
Íbúðin samanstendur af svefnherbergi með stóru hjónarúmi, stofu með tvíbreiðum svefnsófa, fullbúnu eldhúsi og borðstofu/vinnukrók. Baðherbergi með sturtu. Þvottavél er í íbúðinni og sængur og sængurfatnaður fylgja auk handklæða.
Frí nettenging.
Nánari upplýsingar veitir Reykjavík bókmenntaborg UNESCO á netfanginu grondalshus@reykjavik.is
Dagatal með upplýsingum um lausa daga og bókunareyðublað hér fyrir neðan.
Afbókanir:
Leigjendur fá reikning í tölvupósti fljótlega eftir bókun. Við skiljum hins vegar að áætlanir geti breyst og við leitumst eftir að vera eins sveigjanleg og mögulegt er.
Ef afbókað er:
- Meira en 60 dögum fyrir komudag er leiguupphæð endurgreidd að fullu
- 30-60 dögum fyrir komudag en helmingur leiguupphæðar endurgreiddur
- Innan 30 daga fyrir komu er leiguupphæð ekki endurgreidd
Þessi stefna er hönnuð til að vera sanngjörn gagnvart bæði gestum okkar og rekstraraðilum, með tilliti til undirbúnings og mögulegs áhrifa á aðra áhugasama aðila.
