RSÍ blæs til ráðstefnu í Eddu, húsi íslenskunnar, kl. 15:00 þriðjudaginn 12. nóvember. Boðið er upp á léttar veitingar að ráðstefnu lokinni.
Hart er sótt að íslenskum bókmenntum og tungu um þessar mundir. Rithöfundasamband Íslands boðar til ráðstefnu um hvort þörf sé á bóklögum á Íslandi, en margar þjóðir hafa sett sér slík lög til að styðja við bókaútgáfu, bóksölu, lestur og ritstörf á sinni tungu. Upplýsandi erindi og brýnar umræður!
Lilja D. Alfreðsdóttir, menningar- og viðskiptaráðherra, setur ráðstefnuna.
Fundarstjóri: Sverrir Norland, rithöfundur.
Frummælendur:
Björn Vatne, formaður Norska rithöfundasambandsins
Pétur Gunnarsson, rithöfundur
Margrét Tryggvadóttir, formaður RSÍ
Í pallborði verða:
Ágúst Ólafur Ágústsson, hagfræðingur
Hildur Knútsdóttir, rithöfundur
María Rán Guðjónsdóttir, útgefandi
Mætum öll og tölum máli bóka!
