Rithöfundasamband Íslands

The Writers' Union of Iceland

Flokkasafn: Fundir


höfundur

Hádegisfundur 29. maí kl. 12.00 í Gunnarshúsi

Halldóra Jónsdóttir, Steinþór Steingrímsson og Kristín Bjarnadóttir frá Stofnun Árna Magnússonar í íslenskum fræðum kynna nýja vefgátt sem stofnunin opnaði fyrir skemmstu, http://málið.is. Þar er að finna á einum stað upplýsingar um íslenskt mál í sjö ólíkum gagnasöfnum, sem eru Beygingarlýsing íslensks nútímamáls, Stafsetningarorðabók, Íslensk nútímamálsorðabók, Íslenskt orðanet, Málfarsbankinn, Íðorðabankinn og Íslensk orðsifjabók. Þau munu einnig kynna aðra gagnlega vefi, m.a. Risamálheild sem opnuð var í 4. maí sl., sjá http://malheildir.arnastofnun.is.

safe_image


höfundur

Af aðalfundi

Karl Agust

Karl Ágúst Úlfsson var kjörinn nýr formaður Rithöfundasambands Íslands á aðalfundi sambandsins í gær þann 26. apríl. Hann tekur við sem formaður af Kristínu Helgu Gunnarsdóttur sem gegnt hefur embættinu undanfarin fjögur ár.

Vilborg Davíðsdóttir var endurkjörin varaformaður og Bjarni Bjarnason endurkjörinn varamaður. Jón Gnarr var kjörinn meðstjórnandi í stað Hallgríms Helgasonar sem ekki gaf kost á sér til endurkjörs.

Auk ofantalinna sitja í stjórninni meðstjórnendurnir Margrét Tryggvadóttir og Vilhelm Anton Jónsson og varamaðurinn Sigurlín Bjarney Gísladóttir.

formenn 001

Á fundinum var Pétur Gunnarsson kjörinn heiðursfélagi Rithöfundasambands Íslands.


höfundur

Aðalfundur Rithöfundasambands Íslands 2018 26. apríl kl. 19.30 í Gunnarshúsi

Dagskrá:

  1. Skýrsla formanns
  2. Skýrsla gjaldkera
  3. Lýsing stjórnarkjörs
  4. Kosning í inntökunefnd
  5. Kosning félagslegra skoðunarmanna
  6. Kosning í úthlutunarnefnd Höfundasjóðs
  7. Tillaga stjórnar um árgjald 2019
  8. Tillaga stjórnar að heiðursfélaga RSÍ
  9. Lagabreytingar
  10. Ljósvakasjóður, nýjar reglur fyrir IHM-greiðslur RSÍ
  11. Samningar við leikhúsin
  12. Önnur mál


höfundur

Ritunarþing 11. apríl

Þann 11. apríl nk. standa Félag fagfólks á skólasöfnum, Háskóli Íslands, Kennarasamband Íslands, Menntamálastofnun, Rithöfundarsamband Íslands, Samtök móðurmálskennara og Sögur – Samtök um barnamenningu saman að málþingi til að vekja athygli á ritun í grunnskólum. 


Frítt verður á þingið og veitingar í boði. Allir velkomnir!

Ritunarþing


höfundur

Aðalfundur 26. apríl

Aðalfundur RSÍ verður haldinn 26. apríl 2018. Framboðsfrestur vegna stjórnarkjörs er til 22. mars nk. Kjósa þarf formann, varaformann, einn meðstjórnanda og einn varamann, skv. 5. grein laga Rithöfundasambands Íslands. Skrifleg framboð til stjórnarkjörs berist skrifstofu RSÍ eigi síðar en kl. 14.00 fimmtudaginn 22. mars n.k.


höfundur

Upplestrar og taxtar. Hádegisfundur í Gunnarshúsi

Boðað er til hádegisfundar um upplestra og taxta miðvikudaginn 8. nóvember næstkomandi kl. 12:00 -13:00.

Jólabókavertíðin fer í hönd og höfundar eru lagðir af stað í upplestra í skólum, fyrirtækjum og víðar. Við ætlum að hittast á léttum fundi og ræða um upplestra og taxta RSÍ, stilla saman strengi og marka og móta stefnu.

Mætum, ræðum og stöndum saman! Orðið er frjálst en ekki frítt!

Sjáumst á miðvikudaginn á Dyngjuvegi 8,

Stjórn RSÍ


höfundur

Framtíð bókmennta og íslenskrar tungu – opinn fundur með frambjóðendum allra flokka

Félag íslenskra bókaútgefenda og Rithöfundasamband Íslands bjóða frambjóðendum allra flokka til fundar og pallborðsumræðna um stöðu íslenskra bókmennta og tungumáls. Stjórnandi er Sigmundur Ernir Rúnarsson.

Fundurinn verður haldinn miðvikudaginn 18. október næstkomandi í Þjóðmenningarhúsinu kl. 10:00, árdegis.

Blikur eru á lofti í bókaútgáfu, örtungan er í útrýmingarhættu og skóla- og héraðsbókasöfn eru svelt af nýjum bókakosti um leið og útlánum fer fækkandi. Barnabókaútgáfan stendur í járnum og útgáfa námsgagna fyrir framhaldsskóla er langt undir þolmörkum. Rætt verður um virðisaukaskatt á bækur, aðgerðir til bjargar íslenskri tungu og bókmenntum og aðgengi að nýjum íslenskum bókum – svo fátt eitt sé nefnt sem brennur á þessari grunngrein menningar og menntunar.

Unnendur íslenskrar tungu og bókmennta fjölmennið!

Slide1.JPG