Í samræmi við reglur um ráðstöfun greiðslna frá Innheimtumiðstöð gjalda auglýsir RSÍ hér með eftir umsóknum um fjárframlög úr svonefndum IHM-sjóði Rithöfundasambandsins. Rétt til úthlutunar úr myndbanda- og geisladiskageira eiga rithöfundar, leikskáld, þýðendur, handritshöfundar og aðrir höfundar og þýðendur leikins efnis og annarra skáldverka, sem flutt (frumflutningur og endurflutningur) hafa verið í sjónvarpi ári 2013, 2014, 2015 og 2016. Um úthlutun geta sótt allir þeir sem telja sig eiga rétt, án tillits til félagsaðildar. Höfundum handrita fræðslu- og heimildarmynda er bent á að sækja um til Hagþenkis – félags höfunda fræðirita og kennslugagna.
Með umsóknum fylgi yfirlit um birt verk umsækjanda í sjónvarpi 2013, 2014, 2015 og 2016. Taka skal fram lengd flutnings í mínútum, flutningsstað, dagsetningu flutnings og hlutfall ef höfundar eru fleiri en einn.
Sótt er um á rafrænu umsóknareyðublaði á heimasíðu Rithöfundasambandsins, https://rsi.is/verdlaun-og-sjodir/ihm-sjodur-umsoknareydublad/
Umsóknir skulu berast fyrir 1. mars n.k.
Vakin er athygli á að þetta er í síðasta sinn sem úthlutað er á grundvelli núgildandi úthlutunarreglna. Nýjar reglur verða lagðar fyrir aðalfund RSÍ í apríl. Úthlutun vegna ársins 2017 verður auglýst þegar nýjar reglur liggja fyrir og greiðslur hafa borist frá Innheimtumiðstöð gjalda.
