Rithöfundasamband Íslands

The Writers' Union of Iceland


Opið fyrir umsóknir

Opið er fyrir umsóknir um starfsstyrki úr Höfundasjóði RSÍ. Styrkirnir eru veittir til ritstarfa og áhersla er lögð á að styrkja höfunda til að ljúka verkum sem eru langt komin. Sótt er um á rafrænu eyðublaði á heimasíðu RSÍ. Til úthlutunar eru 3.500.000 kr. Veittir verða allt að tíu styrkir. Umsóknarfrestur t.o.m. 25. maí 2017.


Ferðastyrkir úr Höfundasjóði RSÍ – umsóknarfrestur t.o.m. 1. október.

Höfundasjóður RSÍ auglýsir til umsóknar ferðastyrki höfunda. Umsóknarfrestur er t.o.m. 1. október.

Höfundasjóður Rithöfundasambandsins veitir félagsmönnum ferðastyrki til utanlandsferða og sótt er um á rafrænu eyðublaði á heimasíðu RSÍ. Nánar má kynna sér reglur um úthlutun ferðastyrkja á heimasíðu RSÍ. Ljóst þarf að vera að ferðin gagnist höfundi við störf og mikilvægt er að láta öll gögn, sbr. afrit af farseðli, boðsbréfi eða samningi um listamanndvöl, fylgja með umsókn.

Umsóknarfrestur er t.o.m. 1. október 2016.


Ferðastyrkir – umsóknarfrestur til 1. júní

Auglýst er eftir umsóknum um ferðastyrki úr höfundasjóði RSÍ

Rithöfundasamband Íslands veitir félagsmönnum og öðrum höfundum ferðastyrki til utanlandsferða. Styrkir eru veittir til ferða sem umsækjandi fer vegna starfa sinna sem höfundur eða til að leita sér menntunar sem slíkur. Einnig má styrkja umsækjanda til þátttöku í námskeiðum og ráðstefnum eða til annars konar fræðslu- og menntunarleitar sem höfundur. Styrkupphæð nemur að hámarki 50 þúsund krónum. Heimilt er að styrkja ferð sem þegar hefur verið farin ef sótt er um innan sex mánaða frá ferðalokum. Sótt er um á rafrænu eyðublaði á heimasíðu RSÍ. Til úthlutunar eru 500.000 kr.

Úthlutunarreglur

Rafrænt umsóknareyðublað

Umsóknarfrestur er t.o.m. 1. júní 2016.