Rithöfundasamband Íslands

The Writers' Union of Iceland


Höfundakvöld í Gunnarshúsi haustið 2018

Gunnarshus2

Gunnarshús

Líkt og undanfarin ár verða höfundakvöld í Gunnarshúsi í október og fram í byrjun desember. Kvöldin eru með ýmsu sniði enda sníða þátttakendur þau eftir sínu höfði. Hver viðburður verður auglýstur sérstaklega þegar nær dregur en hér er birt dagskrá kvöldanna, með fyrirvara um breytingar.

Fimmtudaginn 18. október, kl. 20.00  – Júlía Margrét – Einar – Linda – Börkur
Júlía Margrét Einarsdóttir
les úr skáldsögunni sinni Drottningin á Júpíter, Einar Kárason les úr bók sinni Stormfuglar, Linda Vilhjálmsdóttir les úr nýrri ljóðabók Smáa letrið og Börkur Gunnarsson les úr þríleik sínum Þau – þrjár nóvellur í einni bók, Hann, Hún og Þeir.


Fimmtudaginn 25. október, kl. 20.00
Rithöfundarnir Matthías Johannessen, Halldóra Thoroddsen og Bjarni Harðarson lesa úr nýjum bókum sínum og sitja í pallborði á eftir og svara spurningum um verk sín. Umræðustjórar eru Mörður Árnason málfræðingur og Harpa Rún Kristjánsdóttir bókmenntafræðingur.
Matthías Johannessen sendi nú í haust frá sér ljóðabókina Enn logar jökull, Halldóra Thoroddsen er með skáldsöguna Katrínarsögu og Bjarni Harðarson sögulega skáldsögu sem heitir Í Gullhreppum.


Fimmtudagur 1. nóvember kl. 20.00 – Guðrún – Páll – Sigurður Hreiðar – Bergrún Íris
Guðrún S. Guðlaugsdóttir kynnir sakamálasöguna Erfðaskráin.
Páll Benediktsson kynnir nýja bók sem hann kallar: Ævisögu hunds: Kópur – Mjási, Birna og ég. Sigurður Hreiðar mun kynna nýja bók sem inniheldur minningabrot og heitir: Meðan ég man.
Bergrún Íris Sævarsdóttir kynnir bók sína Langelstur í leynifélaginu – sem er bók fyrir ungviðið. Höfundarnir fjórir koma allir úr blaðamannastétt.


Fimmtudaginn 8. nóvember kl. 20.00 – Guðmundur – Harpa Rún – Kristinn R.
Guðmundur Brynjólfsson les úr bók sinni Eitraða barnið sem er sakamálasaga þar sem sögusviðið er Eyrarbakki um aldamótin 1900. Harpa Rún Kristjánsdóttir les úr bókinni Þingvellir, í og úr sjónmáli þar sem hún teflir fram skáldlegri sýn á söguna og þennan forna helgistað. Þá les Kristinn R. Ólafsson úr þýðingu sinni á Soralega Havanaþríleiknum eftir Pedro Juan Gutiérrez, en í bókinni segir frá lífi Kúbverja laust eftir fall Sovétríkjanna. Eftir upplestur sitja lesarar í pallborði undir stjórn þeirra Jónu Kristjönu Hólmgeirsdóttur og Gunnlaugs Bjarnasonar.


Þriðjudagur 13. nóvember kl. 20.00 – „Um ýmsar trissur aðrar …“

Fjórir höfundar ljúka stormasamri upplestrarferð um Dali og Strandir með lestri úr nýjum bókum sínum í Gunnarshúsi. Allir eru hjartanlega velkomnir.

Auður Ava Ólafsdóttir: Ungfrú Ísland, skáldsaga
Bergsveinn Birgisson: Lifandilífslækur, skáldsaga
Bjarni Bjarnason: Læknishúsið, skáldsaga
Sigurbjörg Þrastardóttir: Hryggdýr, ljóðabók

Leynispyrill fleygir fáeinum spurningum fyrir höfundana, en aðallega verður lesið úr bókunum fjórum og spjallað við gesti yfir kaffi úr könnum hússins.


Fimmtudaginn 22. nóvember – Sögufélagið
Kynning á nýútkomnum bókum Sögufélagsins.


Fimmtudagur 29. nóvember
Nánari upplýsingar síðar.


Miðvikudagar 5. desember – Bergrún Íris – Sigga Dögg – Lilja Katrín
Bergrún Íris Sævarsdóttir
mun kynna Langelstur í leynifélaginu. Bókin segir frá sumarfríi vinanna Eyju (7 ára) og Rögnvaldi (97 ára). Bókin er framhald af Langelstur í bekknum sem sló í gegn á síðasta ári.
Lilja Katrín Gunnarsdóttir mun kynna Minn sykursæti lífstíll. Minn sykursæti lífsstíll er fyrsta bók ástríðubakarans Lilju Katrínar Gunnarsdóttur, konunnar á bak við sykursætu bloggsíðuna blaka.is. Bókin er stútfull af bakstursuppskriftum og góðum ráðum fyrir þá sem vilja leyfa ímyndunaraflinu og gleði að ráða ríkjum í eldhúsinu, með tilheyrandi sykursjokki og kolvetnavímu.
Sigga Dögg kynfræðingur kynnir sína fyrstu skáldsögu; kynVeru. Sagan er brot úr dagbók Veru, táningsstúlku sem stendur á ákveðnum tímamótum og reynir að átta sig á næstu skrefum með því að rekja ákveðna atburðarás. Í því ferðalagi veltir hún fyrir sér m.a. blæðingum, ástinni, jafnrétti, losta, kynhneigð, og líkamanum. Höfundur veitir dýrmæta, og einstaka, innsýn í hugarheim unglings út frá spurningum og umræðum sem koma upp í kynfræðslufyrirlestrum hennar um land allt. 


Fimmtudagur 6. desember –  Eygló og Eyrún
Mæðgurnar Eygló Jónsdóttir og Eyrún Ósk Jónsdóttir kynna nýútkomnar ljóðabækur sínar. Ljóðabókina Áttun eftir Eygló fjallar um ferðalög, bæði bókstafleg og huglæg. Bókin varð til á ferðalagi og í henni leyfir höfundur sér að kanna ókunnugt landslag og nýjar víddir í sjálfum sér. Ljóðabókin Í huganum ráðgeri morð eftir Eyrúnu fjallar svo um sköpunarkraftinn sem lifandi afl er öðlast sjálfstætt líf, heltekur listamanninn og brýst út þegar síst varir, gerir byltingu og uppreisn.


Fimmtudagur 13. desember  – Svarthol, tímaferðalög, draumur og nærbrækur.

Arndís Þórarinsdóttir mun kynna bókina Nærbuxnaverksmiðjan
Ævar Þór Benediktsson mun kynna bókina Þitt eigið tímaferðalag
Sævar Helgi Bragason mun kynna bókina Svarthol – Hvað gerist ef ég fell ofan í?
Hjalti Halldórsson mun kynna bókina Draumurinn.

 


Höfundakvöld í Gunnarshúsi – Margrét Lóa Jónsdóttir, Gunnhildur Þórðardóttir, Fríða Ísberg og Eydís Blöndal

Slide1

Höfundarnir Margrét Lóa Jónsdóttir, Gunnhildur Þórðardóttir, Fríða Ísberg og Eydís Blöndal munu halda ljóðakvöld í Gunnarshúsi næstkomandi þriðjudag 12. desember kl. 20 undir yfirskriftinni Fljóðaljóð. Allar hafa þær nýlega gefið út ljóðabækur; Margrét með Biðröðina framundan, Gunnhildur með Götuljóð, Fríða með Slitförina og Eydís með bókina Án tillits. Kynnir verður Kári Tulinius en hann er einn af stofnendum Meðgönguljóða og gaf út nýlega skáldsöguna Móðurhugur.

Þær munu leiða saman raddir sínar og bjóða upp á fróðlega og skemmtilega kvöldstund með tilfinningaþrungnum ljóðaupplestri og tilheyrandi spjalli. Boðið verður upp á kaffi og konfekt. Allir velkomnir. Gunnarshús er að Dyngjuvegi 8 í Reykjavík.


Höfundakvöld – Silja Aðalsteinsdóttir og Sveinn Einarsson

Slide1

Samfélagið á 20. öld, allt frá viðskiptalífi til menningarmála, verður undir á spennandi höfundakvöldi í Gunnarshúsi mánudaginn 11. desember kl. 20. Bókmenntaspekúlantinn og útvarpsmaðurinn Jórunn Sigurðardóttir fær til sín Svein Einarsson og Silju Aðalsteinsdóttur og ræðir við þau um minningabækur sem þau sendu frá sér í haust. Í bók Sveins, Mitt litla leiksvið, fer Sveinn yfir glæstan feril og segir sögur af sér og samferðafólki sínu en bók Silju, Allt kann sá er bíða kann, segir frá lífshlaupi dagblaðamógúlsins Sveins R. Eyjólfssonar, viðskiptum og baráttu við afskiptasama stjórnmálamenn. Bækurnar segja að mestu frá sama tímanum en koma að málunum á ólíka vegu svo búist er við fjörlegum umræðum. Áhugafólk um íslenskt samfélag á seinni hluta 20. aldar ætti ekki láta sig vanta.


Höfundakvöld í Gunnarshúsi – Þýðingarmikið kvöld

þýðingakvöld

Fimmtudagskvöldið 7. desember kl. 20.00 er blásið til þýðingakvölds í Gunnarshúsi.
Þar verður lesið úr eftirtöldum bókum:
PNÍN eftir Vladimar Nabokov og HNOTSKURN eftir Ian McEwan (þýð. Árni Óskarsson), ORLANDÓ (þýð. Soffía Auður Birgisdóttir),
SMÁSÖGUR HEIMSINS (ritstj. Kristín Guðrún Jónsdóttir, margir þýðendur),
VELKOMINN TIL AMERÍKU eftir Lindu Boström Knausgård og
ALLT SEM ÉG EKKI MAN eftir Jonas Hassen (þýð. Þórdís Gísladóttir).

Boðið verður upp á kaffi og konfekt og bækur á tilboðsverði.

ALLIR VELKOMNIR Í GUNNARSHÚS!


JólaGestir* Ragga og Dassa 2017

raggi og dassi

Einstök kvöldstund þar sem skemmtikraftarnir Dagur Hjartarson og Ragnar Helgi Ólafsson axla ábyrgð á bókum sínum, Heilaskurðaðgerðinni og Handbók um minni og gleymsku.

Bækurnar verða til sölu.

Hverju seldu eintaki fylgir bolli af prestakaffi.

Félagarnir munu líka líta um öxl og fara yfir farsælan feril, segja skemmtisögur úr bransanum sem margar hverjar hafa ekki heyrst áður.

Leynigestur: Helgi Hjartarson.

Staðsetning: Gunnarshús

Tími: Þriðjudagur, 5. desember 2017, kl. 20:00.

Aðgangseyrir: Enginn.

Ekki missa af þessari einstöku kvöldstund.

Athugið! Síðast komu fleiri en vildu.